Gjermanët fitojnë sërish një kontratë me rëndësi me qeverinë shqiptare, duke krijuar një panoramë të plotë në ekonominë e vendit, pas marrëdhënieve të përmirësuara mes Tiranës dhe Berlinit.
Pas marrëveshjes në energjetikë dhe infrastrukturë, një kompani prestigjoze gjermane, si “Deutsche Bank” do të financojë me 250 milion euro qeverinë shqiptare me dorëzaninë e Bankës Botërore.
Në ofertat e shqyrtuara nga Ministria e Financave prej datës 2 prill deri më 7 prill, banka gjermane ka dhënë ofertën më të mirë me një marzh interesi 1.3 përqind mbi
“benchmark rate” dhe afat maturimi 10vjeçar. Kjo është hera e parë që Shqipëria del në tregjet financiare ndërkombëtare me garante Bankën Botërore.
Kjo skemë, sipas Ministrisë së Financave, ul koston dhe kohën për marrjen e borxhit.
Shqipëria nuk është vendi i parë në rajon që del në tregjet ndërkombëtare me garanci të Bankës Botërore. Dy vitet e fundit, Maqedonia dhe Mali i Zi kanë bërë të njëjtën gjë. Më
konkretisht, vitin e kaluar, qeveria malazeze mori 100 milionë euro borxh të garantuara nga Banka Botërore me interes 4 për qind. Shuma prej 250 milionë eurosh, që qeveria do të marrë borxh nga privatët përmes këtij instrumenti, do të përdoret për financimin e defiçitit buxhetor. Por, veç 250 milionë eurove të garantuara nga Banka Botërore, qeverisë do t’I duhet këtë vit të rinovojë edhe 300 milionë eurot e tjera eurobond, të marra në vitin 2010.
Në fund të muajit mars, në Londër janë zhvilluar negociatat mes qeverisë shqiptare dhe investitorëve prestigjozë ndërkombëtarë për të tërhequr një borxh prej 300 milionë euro në tregun ndërkombëtar. Zv.ministri i Financave Erjon Luçi, me një ekip ekspertësh me dy nga investitorët më të njohur kanë negocuar për këtë sasi borxhi, për të cilin ka dalë garant banka Botërore.
Bank of America, Merrill Lynch dhe JP Morgan janë piketuar për të negocuar mbi takimet me investitorët. Shqipëria është klasifikuar nga nga Moody’s në kategorinë B1 dhe B nga Standard & Poor’s. Ministri i Financave Shkëlqim Cani, në lidhje me borxhin 300 milionësh deklaroi se “Me misionin e FMN-së diskutuam gjerësisht edhe aspekte teknike të financave publike duke përfshirë përmirësimin e menaxhimit të financave publike dhe strategjinë e qeverisë për menaxhimin e borxhit publik.
Në përputhje me programin, tashmë ne fillojmë me konsolidimin e nivelit të borxhit pub lik. Kuptohet kjo është shprehur qartë edhe në buxhetin 2015 të miratuar në parlament. -Siç e dini, sivjet, Shqipëria bën rinovimin e Eurobondit, një proces shumë rutinë për tregun ndërkombëtar. Eurobondi i ri do të kryejë thjesht zëvendësimin e Eurobondit të shkuar (rreth 300 milionë EURO), pra, nuk është shtesë e nivelit të borxhit.
/tesheshi.com/
