Raporti sekret ndërkombëar mbi korrupsionin në Shqipëri, që është siguruar nga tesheshi.com, përveç lidhjeve të politikës me botën e parasë, analizon në thellësi të gjithë skemën dhe fenomenin e ryshfetit në Shqipëri.
Një nga anekset kryesore të raportit është edhe korrupsioni në shëndetësinë shqiptare.
Kjo pjesë është një nga kapitujt më të gjatë të raportit analitik, i cili me hollësi preçize shpjegon të gjithë skemën.
Raport konkuludon: “Shëndetësia shqiptare është e ndërtuar në mënyrë të tillë që mjekët të marrin ryshfet dhe ka 25 vjet që askush nuk e ndryshon këtë skemë”.
Madje, dokumenti thekson më tej se kush ka tentuar të prekë një pjesë sa më të vogël të sistemit është sulmuar dhe larguar, duke e kërcënuar me nxjerrjen jashtë tij.
Për këtë përmend shembullin e ish-ministrit të Shëndetësisë Mustafa Xhani, i cili nisi të shkarkojë krerët e repartave në spitalin qendror, por që më pas u sulmua nga politika.
Sipas raportit, ekziston një kupolë e vërtetë mjekësh që nuk lëvizin prej 25 vjetësh. Ata drejtojnë shërbimet më të rëndësishme në spitalin universitar, emërojnë asistentët dhe vendosin për rendin e gjërave.Aty vendoset mënyra, oferta dhe kërkesa e ryshfetit që marrin në publik nëpërmjet një rrjeti që është pak ta quash mafioz.
Duke marrë në analizë të gjithë këtë rrjet, raporti që siç duket ka mbledhur informacion të bollshëm, thekson se ka një lidhje dhe mbështetje të fortë nga krerët e politikës dhe gjyqësorit me drejtuesit e shëndetësisë, të cilët janë kthyer në të “paprekshëm”.
“Rroga e një kardiokirurgu është pak më e madhe se e një zyrtari që punon në zyrë dhe më e vogël se e një burokrati. Kjo është edhe ‘thembra e Akilit’ në sistemin shëndetësor shqiptar, i cili nuk ndryshohet me qëllim për të ruajtur statukuonë”, theksohet në dokument, ku më pas bëhet e ditur se sistemi shëndetësor shqiptar furnizohet nga një rrjet i gjerë kontributesh sigurimesh shëndetësore, të cilat administrohen jashtë sistemit dhe kanë krijuar një lidhje më vete korruptive.
“Shëndetësia shqiptare është e çorganizuar, fondet nuk jepen sipas rëndësishë por sipas një rregulli që ka 25 vjet që nuk ndryshonm”, thekson raporti.
Një kapitull të veçantë ka në dokument edhe në lidhje me zinxhirin e marrëdhënieve mes mjekëve që punojnë në shtet dhe klinikave dhe spitaleve private.
“Thuajse të gjithë kirurgët që punojnë në spitalet shtetërore punojnë edhe në klinikat private. Ata adresojnë axhendën dhe pacientët. Madje një pjesë klinikash i japin edhe bonus prej 15% nëse sjellin pacientë në spitalet private”.
Raporti i ekspertëve për çështjen e korrupsionit thekson se nuk ka asnjë strategji reale dhe vullnet për ta ndalur këtë situatë apo për të ndërhyrë në mënyrë të menjëhershmë për të përmirësuar situatën.
Kapitulli i mjeksisë mbyllet edhe me kapitullin e trustit të barnave, që më pas është histori më vete dhe i takon një shkrimi tjetër…/tesheshi.com/
