Nga Blendi Gashi
Ndërsa kryeministri Isa Mustafa ka udhëtuar sot në Londër, ku së bashku me presidentin e Bankës Evropiane për Rindërtim dhe Zhvillim (EBRD), Suma Chakrabarti do të nënshkruajq një memorandum bashkëpunimi për mbështetjen e ndërmarrjeve të vogla dhe të mesme në Kosovë, tri partitë opozitare, Vetëvendosje, AAK dhe NISMA kanë dorëzuar në Kuvend mocionin e nënshkruar nga 42 deputetë për rrëzimin e qeverisë.
Mocionin e iniciuar nga NISMA për Kosovën përveç deputetëve të opozitës, e kanë nënshkruar edhe 8 deputetë të partive në koalicion.
Nait Hasani, Shukri Buja dhe Rafet Rama deputetë të PDK-së, Raif Qela i Lëvizjes për Bashkim, Jelena Bontiq dhe Nenad Rashiqtë Listës Serbe, Kujtim Paçaku dhe Danush Ademi të 6+, janë deputetët nga radhët e koalicionit që kanë nënshkruar këtë mocion.
Po ashtu atë e kanë nënshkruar edhe dy deputetët e pavarur, Ilir Deda e Gëzim Kelmendi.
Tashmë është në dorën e Kryesisë së Kuvendit se kur do vendos për seancë të jashtëzakonshme.
Kryesia e Kuvendit obligohet që të thërrasë seancë të jashtëzakonshme e cila duhet të mbahet brenda pesë ditëve, ku do të votohej mocioni, i cili duhet të marrë së paku 61 vota të deputetëve për ta rrëzuar qeverinë.
Portali tesheshi.com ka siguruar listat e nënshkrimeve të deputetëve për rrëzimin e qeverisë. /tesheshi.com/
