Ekonomia e Shqipërisë vlerësohet stabël. Kjo të paktën nga dy agjencitë e vlerësimit financiar ndërkombëtar “Standard & Poor’s” dhe “Moody’s”, që kanë mbajtur të pandryshuar vlerësimet , përkatësisht në B+ dhe B1.
“Standard & Poor’s” vlerëson se tensionet politike gjate gjashtëmujorit të parë nuk kanë dhënë efekt në stabilitetin ekonomik, ndërkohë rezultatet e zgjedhjeve parlamentare do t’i mundësojnë Qeverisë, vazhdimin e reformave strukturore dhe përmirësime graduale, shkruan TCH.
Sipas “Standard & Poor’s”, pritet një rritje ekonomike prej 3,8 përqind, ku ndikim kanë edhe projektet e mëdha energjetike.
Gjithashtu, reforma në drejtësi vlerësohet si një tjetër mundësi që do të përmirësojë klimën e biznesit në Shqipërisë.
“Standard & Poor’s” nënvizon punën e qeverisë për të forcuar shtetin e së drejtës.
Në anën tjetër, “Moody’s” parashikon një rritje prej 3,6 përiqnd për 2017. Përveç vlerësimit të konsolidimit fiskal dhe reformave të qeverisë në këtë aspekt, kjo agjenci sheh si mangësi nivelin e ulët të PPB për frymë dhe konkurrueshmërinë e dobët.
“Moody’s” ngre problemin e rreziqeve që mund të vijnë nga shkaqet klimatike duke pasur parasysh ashtu siç po ndodh ndikimet e thatësirës në energjetikë dhe bujqësi./tesheshi.com/
