Autoritetet egjiptiane zbuluan të shtunën një mumje e ruajtur mirë të një gruaje brenda një arkivoli të pahapur më parë e që daton më shumë se 3.000 vjet. Kjo ndodhi në Luxor, në jug të Egjiptit.
Sarkofagu, një arkivol i lashtë, ishte një nga dy të gjeturat më parë këtë muaj nga një mision i udhëhequr nga francezët në zonën veriore të El-Asasefit, një nekropol në bregun perëndimor të Nilit. I pari u hap më herët dhe u shqyrtua nga zyrtarët e antikiteteve egjiptiane.
“Njëri sarkofag datonte që nga dinastia e 17-të, ndërsa sarkofagu tjetër ishte nga dinastia e 18-të”, tha ministri i Antikiteteve, Khaled Al Anani.
Dinastia e 18-të daton që nga shekulli i 13-të para Krishtit, një periudhë e shënuar për disa prej faraonëve më të njohur, përfshirë Tutankhamen dhe Ramses II.
Ishte hera e parë që autoritetet hapin një sarkofag përpara mediave ndërkombëtare.
Më parë gjatë ditës, autoritetet gjithashtu zbuluan në të njëjtën zonë një varr të mbikëqyrësit të shenjtë të mumifikimit të identifikuar si Thaw-Irkhet-if.
Varri përmbante pesë maska me ngjyrë dhe rreth 1.000 statuja Ushabti – figurina në miniaturë të shërbëtorëve që i shërbenin të vdekurit në jetën e përtejme, sipas disa besimeve të kohës.
Varri, i cili gjithashtu përmban mumje, skelete dhe kafka, daton në mbretërinë e mesme pothuajse 4.000 vjet më parë, por u ripërdor në periudhën e vonshme.
Egjiptianët e lashtë mumifikuan njerëzit për të ruajtur trupat e tyre për jetën pas vdekjes, ndërsa mumiet e kafshëve përdoreshin si oferta fetare.
Vendi shpreson që me këto zbulime të fundi të përmisojë imazhin e saj dhe do të ringjallë interesin e turistëve, të cilët i janë shmangur Egjiptit që nga trazirat politike të vitit 2011. /tesheshi.com/
