Parlamenti i Egjiptit ka aprovuar vendosjen e trupave jashtë vendit, kjo pasi presidenti Abdel Fattah el-Sisi kërcënoi veprime ushtarake kundër forcave në Libinë fqinje që kanë mbështetjen turke.
Parlamenti egjiptian votoi unanimisht “vendosjen e anëtarëve të forcave të armatosura egjiptiane në misione luftarake jashtë kufijve të Egjiptit për të mbrojtur sigurinë kombëtare egjiptiane nga paramilitarët kriminelë të armatosur dhe elementë të huaj terroristë”, thuhet në deklaratë.
Ushtria do të vendoset në “Frontin Perëndimor”, të cilin analistët e interpretojnë si Libi. Kjo mund të shkaktojë një konflikt të drejtpërdrejtë midis Egjiptit dhe Turqisë, të cilat mbështeten nga palët kundërshtare në luftën civile libiane.
Egjipti dhe Emiratet e Bashkuara Arabe mbështesin komandantin rebel të Libisë Khalifa Haftar, ndërsa Turqia mbështet qeverinë e Unitetit Kombëtar të njohur nga KB (GNA). Turqia të hënën bëri thirrje për një fund “urgjent” për mbështetjen e Haftarit. /tesheshi.com/
