Ministrat e jashtëm të Egjiptit, Francës, Gjermanisë dhe Jordanisë i kanë bërë thirrje Izraelit të braktisë planin e tij për të aneksuar vendbanimet në Bregun Perëndimor të okupuar, duke paralajmëruar se një veprim i tillë do të ketë “pasoja” për marrëdhëniet.
Qeveria e kryeministrit izraelit Benjamin Netanyahu kishte caktuar 1 korrikun si datën e fillimit për aneksimin e vendbanimeve hebreje të paligjshme në territorin e okupuar, si dhe në Luginën Jordan, me rëndësi strategjike.
Masa u nxit nga plani i paqes në Lindjen e Mesme Presidentit amerikan Donald Trump.
Gjithsesi, Zyra e Netanyahut nuk lëshoi asgjë më 1 korrik, veç asaj që të vazhdojë bisedimet me zyrtarë amerikanë dhe zyrtarë izraelitë të sigurisë.
“Ne jemi dakord që çdo aneksim i territoreve palestineze të pushtuara në vitin 1967 do të ishte një shkelje e ligjit ndërkombëtar dhe një shkelje e themeleve të procesit të paqes,” thanë ministrat në një deklaratë pas një konference të përbashkët video.
“Ne nuk do të njohim ndonjë ndryshim në kufijtë e vitit 1967 për të cilin nuk u morën vesh të dy palët në konflikt. Ne u pajtuam që një veprim i tillë do të ketë pasoja të rëndësishme për sigurinë dhe stabilitetin e rajonit dhe do të krijojë një pengesë kryesore për paqen e qëndrueshme dhe të drejtë”, shtuanata, duke vënë në dukje se kjo gjithashtu do të ketë “pasoja për marrëdhëniet me Izraelin”.
Të katër vendet nënvizuan angazhimin e tyre për të formuar dy shtete, bazuar në ligjin ndërkombëtar.
Javët e fundit, Bashkimi Evropian ka filluar një fushatë diplomatike kundër aneksimit, por nuk mund të kërcënojë Izraelin me sanksione pa mbështetjen unanime të anëtarëve.
Pasi pushtoi Bregun Perëndimor në vitin 1967 në Luftën Gjashtë Ditore, Izraeli filloi ndërtimin e një rrjeti vendbanimesh dhe procesi vazhdon edhe sot.
Megjithëse konsiderohen të paligjshme sipas ligjit ndërkombëtar, vendbanimet kanë përjetuar 50 përqind rritje të popullsisë gjatë dekadës së fundit. /tesheshi.com/
