Forcat ushtarake nga Emiratet e Bashkuara Arabe, Arabia Saudite, Kuvajti, Bahreini dhe Jordania, kanë mbërrtur në Egjipt në parapërgatitje për atë po quhet si një “NATO arabe” në Lindjen e Mesme, inkurajuar nga administrate Trump.
Këto forca do të realizojnë një stërvitje të përbashkët ushtarake të shtunën, një mesazh force ndaj Iranit, sepse dhe qëllimi i krimit të kësaj aleance ka për qëllim krijimin e një kundrapeshe ushtarake ndaj Republikës shiite.
Ky koalicion ka një parakonfirmim dhe në konfliktin jemenas, ku një pjesë shtetesh me në krye Saudinë, kanë ndërhyrë vitet e fundit kundër vendit që ka rënë në duart e kryengritësve Houthi të mbështetur nga Irani.
Një zëdhënës i ushtrisë egjiptiane tha se nga toka, deti e ajri po mbërrijnë në Egjipt forcat ushtarake speciale nga Emiratet e Bashkuara Arabe, Arabia Saudite, Kuvajti, Bahreini dhe Jordani, për stërvitjen e cila do të zhvillohet në mes të 3 dhe 16 nëntorit.
Vëzhguesit nga Libani dhe Maroku gjithashtu do të marrin pjesë në këtë stërvitje ushtarake – tha koloneli Tamer al-Refai, një zëdhënës i ushtrisë.
Por Katari dhe Omani, të cilat janë në konflikt me Arabinë Saudite, Emiratet e Bashkuara Arabe, Bahreinin dhe Egjiptin, nuk do të marrin pjesë në stërvitjet ushtarake.
Shtëpia e Bardhë konfirmoi në korrik se ka punuar për ndërtimin e një aleance me partnerët e saj rajonalë për disa muaj.
Burime amerikane thanë se zyrtarët sauditë propozuan idenë e formimit të një aleance sigurie para se Trump të vizitonte mbretërinë vitin e kaluar kur ai njoftoi një marrëveshje të madhe për të shitur armë.
Ndërkohë, Sekretari amerikan i Shtetit, Mike Pompeo bëri thirrje për fundin e konfliktit në Jemen dhe tha se negociatat e OKB-së për fundin e luftës civile duhet të fillojnë muajin e ardhshëm. /tesheshi.com/
