Ministria egjiptiane e Antikiteteve dhe Turizmit deklaroi se fabrika e birrës më e vjetër në botë u zbulua në rajonin e Abydos, si rezultat i punës së përbashkët të arkeologëve egjiptianë dhe amerikanë.
“Fabrika e birrës vlerësohet të datojë nga 3273 pes në 2987 pes, në periudhën e faraonit Narmer, një nga faraonët e parë egjiptianë,” tha ministria, duke theksuar se kjo është birraria më e vjetër e gjetur në Abydos.
Matthew Adams i Universitetit të Nju Jorkut, një nga udhëheqësit e misionit egjiptiano-amerikan që bëri zbulimin, tha se studiuesit besojnë se birra ishte përdorur në ritualet mbretërore të varrimit të mbretërve më të hershëm egjiptian.
Studimet e mëparshme në këtë zonë kanë zbuluar se birra është përdorur gjatë riteve të flijimit.
“Fabrika e birrës ishte e ndarë në tetë ndarje të mëdha për prodhimin e birrës, secila përmbante 40 enë balte për ngrohjen e përzierjeve të grurit dhe ujit”, tha Mostafa Waziry, sekretari i përgjithshëm i Këshillit Suprem të Antikiteteve të Egjiptit.
Fabrika e birrës mund të prodhonte sa më shumë 22,400 litra birrë.
Zyrtarët duan të tregojnë artefaktet e zbuluara rishtas ndërsa përpiqen të ringjallin turizmin egjiptian të prekur nga pandemia e COVID-19. /tesheshi.com/
