Një muezin në Egjipt përballet me masa disiplinore për ndryshim të fjalëve të thirrjes së faljes së mëngjesit.
Ministria e Egjiptit për punët e Besimit do të ndërmarrë veprime ligjore ndaj Mahmoud al-Moghazi, klerik në qytetin Kafr al Dawar që shtrihet në deltën e Nilit.
Ai në vend të përdorte fjalët “të falesh është më mirë se të flesh” që përbën thirrjen tradicionale, ka thënë se “të falesh është më mirë sesa të shpenzosh kohë në Faceook”.
Besimtarët e xhamisë Sayed Ghazi kanë dorëzuar ankesa ndaj tij, e ai është pezulluar në pritje të hetimeve.
Gjatë një emisioni në televizion, mbrëmjen e së dielës, një nga besimtarët që është ankuar akuzoi Moghazi-n si heretik. “Për shkak të shpikjeve të tij, ne nuk falemi më në xhaminë e tij”, tha besimtari.
Por, në përgjigje të këtyre akuzave, kleriku akuzoi tjetrin se nuk ishte besimtar i xhamisë së tij dhe se ishte një simpatizant i Vëllazërisë Muslimane.
Kleriku kërcënoi me grevë urie në rast se vijonte pezullimi i tij. Ai tha se nuk e kishte përdorur kurrë Facebook-un. /tesheshi.com/
