Al Samaha është një fshat në Egjipt në të cilin jetojnë vetëm gra. Aktualisht në të jetojnë rreth 303 gra të vetme, dhe burrat aty janë rreptësisht të ndaluar. Çdo grua që martohet, kërkohet nga ajo që të largohet menjëherë. Fshati është i vendosur në qytetin e Edfu, rreth 120 kilometra nga qyteti jugor i Asuanit.
Fshati është është dedikuar nga qeveria për vejushat dhe gratë e divorcuara dhe përfshin parcela të tokës bujqësore që do t’u mundësonte atyre të rrisin shpezë dhe bagëti si burim të ardhurash.
“Projekti i fshatit filloi në vitin 1998 kur Ministria e Bujqësisë vendosi të ndajë dy fshatra të reja vetëm për gratë e divorcuara dhe të veja”, thotë Hamdi Al-Kashef, mbikëqyrës i përgjithshëm i fshatit.
Ai tha se gratë jetojnë vetëm me fëmijët e tyre, pa burra. Secilës familje u jepet një shtëpi dhe një ngastër prej gjashtë hektarë, krahas ndihmës së mëtejshme nga themeluesit e projektit dhe organizatat ndërkombëtare.
Gratë janë të pajisura me mobilje dhe pajisje të domosdoshme bujqësore. Shtëpitë njëkatëshe në fshat janë subvencionuar financiarisht nga qeveria, duke i lejuar gruas t’i paguajë ato me këste. Kur gratë martohen, toka dhe shtëpia tërhiqen, thotë Al-Khashef. Të gjitha kulturat mund të rriten me përjashtim të kallam sheqerit, dhe në rast të shkeljeve eventuale, zonjës përfituese nuk do t’i jepen plehra më.
Projekti synon të ruajë të ardhmen për ato gra që humbën anëtarët e familjeve të tyre dhe për të ndihmuar në mbështetjen e grave që tani janë bërë mbajtës të vetëm të fëmijëve të tyre. /tesheshi.com/
