Avokati Khaled Ali ka njoftuar se nuk ka mundur të vizitojë klientin e tij, Alaa Abdel Fattah, të burgosurin politik egjiptio-britanik, jeta e të cilit është në rrezik pas shtatë muajsh në grevë urie – dhe ditët e fundit, nga etja – pavarësisht se i është dhënë leja nga drejtësia.
“Më kërkuan një leje të re me një datë të re”, tha avokati që u thirr në mëngjesin e së enjtes nga prokurori i përgjithshëm për të marrë një leje vizite, e para që nga marsi 2020, sipas familjes së Fatahut. Autoritetet korrektuese vendosën që leja e lëshuar mbrëmë nuk ishte më e vlefshme sot, tha ai në një postim në Facebook.
Autoritetet korrektuese i thanë sot nënës së tij se po merr “kujdes mjekësor”, shkroi në Twitter motra e tij Mona Seif, e cila prej ditësh ka shprehur shqetësimin se vëllai i saj mund të ushqehet me forcë.
Alaa Abdel Fattah u bë i njohur gjatë kryengritjes së vitit 2011 në Egjipt, por që atëherë ka kaluar shumicën e kohës në burg. Së fundmi ai u dënua në fund të vitit 2021 me pesë vjet burg për “përhapje të lajmeve të rreme”.
Një “dele e zezë” e regjimit të Presidentit Sisi, Abdel Fattah ka ndaluar së ngrëni pothuajse tërësisht që nga 2 prilli në shenjë proteste ndaj kushteve të paraburgimit: ai merr vetëm një filxhan çaj dhe një lugë mjaltë në ditë. /tesheshi.com/
