Forcat e sigurisë në Egjipt kanë ndaluar dje, edhe 19 pjesëtarë të tjerë grupit Vëllazëria Muslimane, duke bërë që 200 persona brenda një jave të përfundojnë në qeli.
Në një deklaratë, Ministria e Brendshme njoftoi për arrestimet për të cilat thotë se janë kryer nën akuzën “nxitje e dhunës”. Vëllazëria Muslimane, grupi që mbështet presidentin e rrëzuar nga Ushtria, Mohamed Morsi, është shpallur “organizatë terroriste” nga autoritetet egjiptiane në fund të vitit 2013.
Vëllazëria, nga ana e saj, thotë se është angazhuar në aktivizëm tërësisht paqësor.
Egjipti mbetet i përfshirë nga trazirat që kur Ushtria rrëzoi nga pushteti, presidentin Morsi, të parin president të zgjedhur në mënyrë demokratike në vend dhe liderin e Vëllazërisë Muslimane, në mes të viti 2013.
Prej dy vjetësh tashmë, autoritetet egjitpiane kanë ndërmarrë një fushatë shtypjeje e dhune ndaj disidentëve politikë, duke vrarë me qindra e duke arrestuar me mijëra. /tesheshi.com/
