Mançester Junajtedi bëri të tijin trofeun e Kupës së Ligës, apo të quajtur ndryshe, EFL Cup, në një finale me shumë gola ndaj Sauthemptonit.
Zlatan Ibrahimovic u shpall lojtari i ndeshjes, pasi qe përcaktues me golat e tij. Në finalen e përfunduar 3-2 për Mançesterin, suedezi shënoi dy herë, me njërin prej golave që vulosi rezultatin.
Jose Mourinho do duhet gjithashtu të jetë i kënaqur, ndërsa u bë i pari trajner i Mançester Junajtedit që fiton trofe në të parin vit në stolin e skuadrës.
Në anën tjetër, Sauthemptoni u ndëshkua nga Ibrahimovic, por megjithatë qe ekipi më i mirë në fushë. I ardhur në janar nga Napoli, Gabbiadini qe shënuesi i të dy golave, përpos një tjetri të anuluar me pa të drejtë për pozicion jashtë loje.
Në “Wembley”, në prani të 82.264 ndjekësve të futbollit, dueli për trofeun qe fort i luftuar. Ibrahimovic e Lingard shënuan në pjesën e parë për Man. Junajtedin. Gabbiadini barazoi me dy gola të realizuat në fundin e 45 minutave të para dhe në fillimin e pjesës së dytë. Ibrahimovic qe në vendin e duhur, në momentin e duhur, në minutën e 87-të, kur realizoi me një goditje tipike të tij me kokë. /tesheshi.com/
