Është zbardhur dëshmia e policit 25-vjeçar që përgjaku Komisariatin Nr. 3 mbrëmjen e së hënës, duke i marrë jetën kolegut të tij 55-vjeçar, pas disa të shtënave mbi të me armën e shërbimit.
Ka ndodhur përfarësisht si në filmin “Në fillim të verës”, ku Shpëtimi justifikohet para ushtarakut të lartë fashist se pse e vrau rojen. “Më fyu rëndë”, i tha ai.
“Më ofendonte rëndë e më vinte në loje dhe nuk durova”, ka deklaruar Ludjan Zaimi. Ai ka ka shfaqur pendesë për krimin, duke thënë se ka qëlluar në inat e sipër kolegun Çaush Saliasi, i cili ndërroi jetë në spital pas plagëve të marra.
Sipas tij, viktima bullizonte shpesh dhe për këtë arsye kishin shumë konflikte.
“Veprova në inat e sipër sepse më ofendonte rëndë e më vinte në loje dhe nuk durova. Vetëm pas disa minutash kam kuptuar çfarë kam bërë”, mësohet të jetë shprehur polici që kishte vetëm një vit në shërbim me armë në brez. Ai ka treguar po ashtu se përpara se ta qëllonte i është drejtuar me fjalët: “Si do e lëmë bashkë?”
Nga ana tjetër, thuhet se policia ka gjetur antidepresantë në shtëpinë e 25-vjeçarit dhe se ai kishte marrë kontakte me një psikologe kohët e fundit. /tesheshi.com/
