Në Arabinë Saudite është marrë një tjetër vendim, nga ato që mund të quhen “historik”. Në vitin 2018 nis licensimi i kinemave të para.
“Komisioni i Përgjithshëm për Media Audiovizive ka filluar procesin e licensimit të kinemave në Mbretëri”, tha ministri i Kulturës dhe Informacionit Awwad bin Saleh Alawwad në një deklaratë.
“Ne presim që kinematë e para të hapen në mars të vitit 2018”, shtoi ai.
Qeveria ka premtuar një ndryshim të skenës kulturore me një sërë reformash të njohura si “Vizioni 2030” i shpallur vitin e kaluar nga Princi i Kurorës Mohammed bin Salman, me qëllim të krijimit të vendeve të punës dhe hapjes së më shumë stileve të jetesës së shtetasve sauditë.
Ndryshimet gjithashtu kanë për qëllim të marrin deri në një çerek miliard dollarë të shpenzuara jashtë vendit nga sauditët, të cilët janë mësuar të udhëtojnë jashtë shtetit për të parë shfaqje dhe për të vizituar parqet zbavitëse në qendrën e afërt turistike të Dubait ose më tej. /tesheshi.com/
