Krejt befas, pa shkak të caktuar, por siç duket nga efekti i sondazheve, të cilat vijojnë ta nxjerrin keq opozitën, presidenti Meta, me një gjuhë tipike kryeopozitari, e zakonshme për të tashmë, përcolli një mesazh nervoz dhe në trajtë posteri.
“Shqipëria nuk futet dot në thes nga një çetë me banditë, oligarkë dhe arrogantë. HARROJENI! Më 25 prill 2021, Shqipëria në dorë të shqiptarëve!”
Iu përgjigj Rama pak vonë, duke shkruar: “Ke të drejtë Ilir, Shqipëria nuk futet dot në thes, shumë mirë e paske thënë! Prandaj boll e përdore Presidencën e Republikës si thes për atë farë LSI-je dhe Presidentin e Shqipërisë si gojën e shqyer të atij thesi”. /tesheshi.com/
