Pas fjalimit të Ramës në Asamblenë Socialiste, asaj pjesë së cilën ai ia kushtoi LSI-së dhe Metës, ky i fundit ka reaguar menjëherë me dy statuese, njëri më i diskutueshëm se tjetri në lloj e mesazhit për t’u përcjellë publikut.
Te i pari potencon fakti se ai e do më shumë Margarita Tutulanin se Monikën e tij, pra bashkëshorten, e kjo për arsye atdhetare. Ndërsa në të dytin shkruan se shtëpia e tij ku ka lindur, në fshatin Çepan të Skraparit, ka qenë spital partizan, e pos kësaj, potencon faktin se ky fshat është 1000 metra mbi nivelin e detit.
“O shoku thirri mendjes!
Unë e dua më shumë Margaritën se Monikën! E di pse? Se Monika braktisi Parlamentin kundër dëshirës dhe vullnetit tim, ndërsa Margarita në moshën 16-vjeçare shkruante në hartim: “Më pyet shpesh vëllai më i vogël: Motër përse na duhet Atdheu? Dhe unë i përgjigjem: Atdheu na duhet që të jemi të lirë!”
Nuk ka Atdhe në botë pa Dëshmorë dhe Heronj o Spiropalist ordiner!”, shkruan në mesazhin e parë, për t’u pasuar nga i dyti:
“Unë kam lindur në Çepan, 1000 metra mbi nivelin e detit dhe u jam shumë mirënjohës prindërve të mi.
O ordinerë, shtëpia ku linda unë në 24 mars 1969 ishte spital partizan për Jugun e Shqipërisë. Në këtë shtëpi erdhën dhjetëra partizanë, pa këmbë e pa krahë. Në themelet e kësaj shtëpie edhe sot është gjaku i tyre.
Jam Ilir Meta dhe përballë do më keni gjithmonë!”, ishte pra i dyti. /tesheshi.com/
