Duket se pandemia COVID-19 ka ulur prirjen e shqiptarëve për ikje.
Kjo, pasi gjatë muajit maj, në BE janë regjistruar 10 190 kërkesa për azil, ku nga këto vetëm 90 janë janw nga Shqipwria, raporton ATSH.
Sipas një raporti të publikuar nga Zyra Europiane e Mbrojtjes së Azilantëve, nga 90-të kërkesat e regjistruara 66 kërkesa ishin për herë të parë, ndërsa 24 të tjerat riaplikime. Sipas statistikave, gjatë majit shqiptarëve iu janë refuzuar 369 kërkesa për azil të mbetura pezull brenda 6 mujorit të fundit, ndërsa 5 054 të tjera vijojnë të jenë në pritje.
Sipas raportit, 20% e të gjitha aplikimeve të bëra drejt BE-së gjatë vitit 2020 janë nga rajoni i Ballkanit Perëndimor, në të cilin Shqipëria dhe Serbia mbeten në nivele të qëndrueshme.
Në muajin maj janë regjistruar gjithsej 10 190 kërkesa për azil drejt vendeve të BE, rreth 1 400 më shumë sesa në muajin prill. Gjatë muajit prill pati vetëm 146 aplikime nga Shqipëria, 112 prej të cilëve për herë të parë, raporton ATSH. /tesheshi.com/
