Kryeministri Rama jua ka kujtuar për herë të parë banorëve të “5 Majit”, atyre të cilëve po u shemben banesat për ndërtimet e reja në kuadër të Rindërtimit, se janë pa leje dhe në tokën e tjetërkujt.
Rama e thotë këtë për herë të parë, nisur nga precedenti “nënë Liza”, përgjatë gjithë këtyre javëve përplasjeje në distancë mes tij dhe banorë protestues, në nëj rast dhe fizik, siç ndodhi ditë më parë gjatë një ballafaqimi në ambientet parlamentare.
Është një prej atyre që i drejtohet duke i thënë: “Unë duhet me e plotësu pyetësorin, e duhet me lënë kockat ke shpia që po’ shembet e askush s’të përfill…”.
Dhe Rama që i përgjigjet: “Të përfill në fakt aq shumë sa megjithëse shtëpinë e ke ndërtuar pa leje, në tokën e shtetit a të tjetrit, të jep bonus qeraje deri kur të të ndërtojë dhe japë shtëpinë e re!
Çfarë kërkon më shumë apo të tjerët duhet të ngrohen në diell dhe të mos u bëhen shtëpi të reja?
Jo i dashur, zhvillimin dhe strehimin e familjeve në nevojë nuk e merr dot peng askush, aq më pak ata që kanë ndërtuar pa leje!”. /tesheshi.com/
