Sipas një studimi në Britaninë e Madhe, nga përfaqësues të Universitetit “Durham”, muzika melankolike ka efekte medituese dhe të dhuron qetësi shpirtërore.
Studiuesit sugjerojnë se dëgjimi i këngëve melankolike, mund të përmirësojë gjendjen duke larguar kujtimet e trishta përmes kësaj muzike.
Sidoqoftë, studiuesit kanë shtuar se disa pjesëmarrës në eksperiment, janë tensionuar pasi kanë dëgjuar muzikë të trishtë, për shkak të kujtime të së kaluarës që janë rikthyer në mendjen e tyre.
Sipas studimit, muzika melankolike përcjell te njerëzit, kënaqësi, rehati dhe dhimbje.
“Disa njerëz e shijojnë muzikën e melankolike dhe gjejnë qetësi, por në rastet kur disa pjesë të muzikës bëhen më të trishta seç duhet, në mendjen e njeriut shkaktohet ankth. Megjithatë nëse zgjidhni një muzikë melankolike por të qetë, do të përjetoni çlirim emocionesh dhe qetësi mendore”, thuhet në studim. /tesheshi.com/
