Shpallja e pavarësisë së njëanshme nga Katalonja, ndodhur pas një referendumi, ka dhënë efekte dhe tek baskët, që po ashtu prej vitesh kërkojnë pavarësi, madje dhe me gjuhën terrorit. Ndërsa kësaj here, 13 komuna baske në Spanjë, të krahinës përkatëse, mbajtën një referendum simbolik për të testuar dëshirën e popullatës për pavarësi.
I organizuar nga OJQ-ja “Gure Esku Dago”, votuesit u përgjigjën në pyetjen nëse duan të jenë qytetarë të shtetit të pavarur të Baskisë.
Rezultatet ende nuk janë të bërë të ditura, por sipas një sondazhi të zhvilluar nga Universiteti i Baskisë dhe Qendra Kërkimore Deustobarometro, 60 për qind e popullsisë baske deklarohen kundër idesë së pavarësisë, dhe vetëm 16.9 për qind janë pro.
Por organizatorët thonë se qëllimi i referendumit simbolik është të rritet vetëdija për të drejtën e vetëvendosjes për qeverisje në të ardhmen. /tesheshi.com/
