Nuk dihet nëse një deklarim i pazakontë i kryeministrit Rama, është bërë dhe për efekt të asaj çfarë po ndodh me homologun e tij kosovar, Haradinaj, i cili është bërë “i urryer” për opinionin vendas pas lajmit se vetes dhe anëtarëve të kabinetit, ia ka rritur pagën.
Rama ishte në një takim fundviti me mësues, kur tha se paga e tij, padrejtësisht është më e lartë se e tyre, gjë që do ishte perspektivë gjithnjë për rritje
“Unë drejtoj një qeveri me numrin më të vogël të ministrave në histori dhe e di shumë mirë cvfarë vështirësie është për ta pasur qeverinë të disiplinuar. Imagjino ju që keni klasat, edhe me më shumë sesa nganjëherë është norma, dhe duhet të mbani të disiplinuar gjitha ata fëmijë që edhe duhet t’i mësoni të respektojnë rregullat. Pra krahasuar me mundimin tuaj, mundimi im është më i vogël. Ndërkohë paga ime është padrejtësisht shumë më e madhe se e juaja. Këtë diferencë ne sëbashku do ta ngushtojmë. Nuk ju premtoj se në fund të këtyre 4 viteve paga juaj do jetë shumë afër times, por mund t’ju premtoj këtë gjë, që e imja nuk do rritet, e juaja do rritet çdo vit”, tha Rama. /tesheshi.com/
