Jael Çela, ish-drejtori i Policisë së Vlorës; Gjergj Kohila, shefi i sektorit të luftës kundër krimit të organizuar në drejtorinë e Qarkut Vlorë dhe Sokol Bode, ish-shefi i Krimeve dhe ish-shefi i kufirit në këtë drejtori, pritet që të jenë tre kokat e para të prera nga radhët e Policisë së Shtetit, lidhur me kultivimin, e sidomos trafikimin e drogës, përgjatë viteve të “begata” të kanabisit, 2015-2016.
Sipas asaj çfarë informon TCH, arrestimi i tyre është kërkuar nga Prokuroria e Krimeve të Rënda, me akuzën e mosveprimit ndaj kultivimit të kanabisit në Qarkun e Vlorës. Bëhet fjalë në një zonë ku ligjin e trafikut e kanë bërë ata, Habilajt e famshëm. /tesheshi.com/
