50 krerë lopë nisën t’u shpërndahen fshatarëve që i humbën ato nga Dermatoza Nodulare, muaj më parë. Ky proces nisi në Lushnjë, nën drejtimin e ministrit të Bujqësisë, Edmond Panariti.
“Kjo është vazhdimësi e punës për premtimin e mbajtur të Ministrisë së Bujqësisë. Siç e kemi thënë, do të kompensohen të gjithë krerët mbarë vendin”.
“Ky është një proces që nuk mund të kryhej brenda një periudhe të shkurtër, pasi lopët vijnë me lote-lote në Shqipëri dhe çdo kokë që vjen, i nënshtrohet vaksinimit dhe një sistemi karantinor”, tha ministri i LSI-së në kabinetin Rama.
Edhe pse duken si procese normale, fakti që marrin hov në kohë fushate, i nxjerr ato si të kompromentuara nga uria për vota.
Kujtojmë se në kushte të tjera dy do ishte dhe vetë kryeministri Rama, për t’jua dorëzuar fshatarëve lopët me “dorën e tij”, por kjo nuk mund të ndodh për shkak të pothuajse prishjes përfundimtare në fund të këtij mandati katërvjeçar, të aleancës së cilësuar si “strategjike”, PS-LSI. /tesheshi.com/
