Pritet që Mbreti i Jordanisë, Abdullah të kërkojë dorëheqjen e kryeministrit Hani Mulkija, si një zgjidhje për të qetësuar zemërimin e popullsisë për shkak të politikave të shtrëngesave fiskale që kanë nxitur protestat më të mëdha në vitet e fundit.
Mijëra jordanezë protestuan të dielën, në të katërtën ditë/net me radhë, kundër rritjes së çmimeve dhe rritjesë së taksave, si pjesë e reformave të cilat qeveria ndërmori në një marrëveshje me FMN-në në këmbim të një kredie.
Të gjitha protestat kërkuan shkarkimin e Mulki-t dhe burime thonë se mbreti Abdullah urdhëroi kryeministrin që të vinte në pallatin e tij të hënën. Monarku jordanez duhet të ishte sot në Tiranë, por e anulloi ardhjen pikërisht nga situata e nxehtë në vendin e tij.
Të shtunën, Mulki refuzoi të heqë dorë nga reformën e taksave, duke e rritur akoma dhe më shumë nervin e protestave.
Mulki, një politikan i afërt me qarqet e biznesit, u emërua kryeministër në maj 2016 me detyrën e ringjalljes së ekonomisë jordaneze të prekur nga trazirat rajonale.
Por zemërimi i jordanezëve erdhi pas rritjes drastike të taksave dhe heqjen e subvencioneve për bukës, pikat kryesore që ndihmojnë të varfërit, pikërisht nga marrëveshja me FMN-në.
“Qeveria na bëri të varfër … na lanë pa para në xhepat e tyre”, klithnin protestuesit e zemëruar. /tesheshi.com/
