Naftali Bennett, ministri i Arsimit në qeverinë izraelite të Benjamin Netanyahu-t, një përkrahës i flaktë i kolonëve në Bregun Perëndimor, nuk ka vonuar të provokojë menjëherë pas zgjedhjes së Donald Trump-it si president i SHBA-së.
“Koha e shtetit palestinez ka mbaruar,” është deklarata e tij.
“Fitorja e Trump-it është një mundësi për Izraelin që të tërheqë menjëherë nocionin e një shteti palestinez në qendër të vendit, që do ta dëmtonte kauzën e drejtë dhe sigurinë tonë,” thuhet në deklaratën e anëtarit të kabinetit të Netanyahu-t.
“Ky është qëndrimi i presidentit të zgjedhur, siç shkruhet në platformën e tij, dhe duhet të jetë politika jonë, qartë dhe thjesht. Koha e shtetit palestinez ka marrë fund!”
Ministri i qeverisë izraelite nuk ka lënë pa i shprehur mirënjohjen dhe Hillary Clinton-it për miqësinë e saj me Izraelin.
Në një takim me Netanyahu-n në shtator, Trump pati premtuar se do të ndërmerrte hapin e njohjes së Jerusalemit si kryeqytet i Izraelit. Deklarata do të ngjallte zemërim te palestinezët, të cilët e konsiderojnë qytetin pjesë të tyre.
“Mik të vërtetë të shtetit të Izraelit,” e cilësoi Netanyahu presidentin e ri amerikan në urimin e tij. /tesheshi.com/
