Ish-deputeti e ministri socialist Arben Malaj, ishte në komisionin e ekonomisë për t’u ballafaquar me vendimin për pezullimin e tij si anëtar i Këshillit Mbikëqyrës të Bankës së Shqipërisë.
Në një moment, duke mbrojtur veten, e duke aluduar se pezullimi po i vjen vetëm personalisht nga kryeministri Rama, Malaj përdori ndaj tij një epitet që merr shkas nga raporti i ngushtë mes Ramës dhe presidentit Erdogan.
“Duke u përballur me 28 deputetë dhe me sulltanin (Rama) i kam shërbyer me dashuri dhe integritet maksimal”, tha Malaj.
Cilësimin e Ramës si “sulltan”, e bën vazhdimisht Ylli Rakipi. Ky cilësim, i cili është një titull politik nga ish-Perandoria Osmane, herë përdoret si përnderim e herë si shpotitje.
Fjala vjen, në Turqi Erdogani cilësohet “sulltan” me përnderim.
Por në rastin e Ramës, edhe nga fakti i një të djeshme osmane të pezhorativizuar nga elitat kulturore dhe politike, “sulltan” përbën një shpotitje. /tesheshi.com/
