Numri i njerëzve të pastrehë në SHBA mund të rritet me 45 përqind për shkak të pasojave ekonomike të shkaktuara nga pandemia e koronavirusit.
Hulumtimi nga shkencëtarët e Universitetit Columbia tregon se pandemia ka shkaktuar humbjen e vendeve të punës për disa milion njerëz, gjë që do të çojë në një rritje të numrit të atyre që do të qëndrojnë në rrugë.
Eshtë thënë se, sipas të dhënave zyrtare nga janari 2019, kishte rreth 568,000 njerëz të pastrehë në Shtetet e Bashkuara, dhe se për shkak të sëmundjes COVID-19, 250,000 njerëz të tjerë mund të shtohen në atë numër këtë vit.
Profesori Dan O’Flaherty ka punuar për çështjen e të pastrehëve për disa vjet, dhe tha se efektet e COVID-19 tashmë janë të dukshme në rrugët e Amerikës.
Në New York, 70,000 njerëz të pastrehë
“Ne jemi në një periudhë të paparë. Askush i gjallë sot nuk ka parë një kohë kur papunësia u rrit në 10 përqind,” tha O’Flaherty.
Në New York dhe California, ku tani jetojnë shumica e të pastrehëve, mund të ketë një rritje prej 20 përqind, dhe një rritje më e madhe mund të shihet në zonat ku jetojnë më pak njerëz të pastrehë.
Ka rreth 150,000 njerëz të pastrehë në Kaliforni, dhe kur bëhet fjalë për sondazhet e qyteteve, shumica e tyre jetojnë në New York, rreth 70,000. /tesheshi.com/
