Një ditë pasi Kuvendi dështoi të mbajë seancën për të shfuqizuar Gjykatën Speciale, përplasen nga distanca presidenti Thaçi dhe ambasadori amerikan Greig Delawie.
Sherri nisi pas një postimi të Thaçit i cili goditi ambasadorët edhe pse nuk ju përmendi emrat, duke i quajtur “spekulime”, deklarimet se shkatërrohet e ardhmja e Kosovës nëse shfuqizohet Specialja.
“Mes spekulimeve është e rëndësishme që të gjithë të vazhdojnë të jenë të sigurt për të ardhmen e Kosovës dhe për proceset e saja demokratike. Shoqëria dhe udhëheqësia e Kosovës mbeten plotësisht të angazhuara për demokraci, sundim të ligjit, pajtim, dialog dhe marrëdhënie në baza të barabarta dhe të drejta”, ka shkruar Thaçi në Twitter.
Nuk ka vonuar reagimi i ambsadorit Delawie, i cili ka përsëritur se shfuqizimi i Speciales do shkaktonte pasoja të mëdha.
“Një vendim për revokimin e Gjykatës Speciale do të shënonte një pikë kthese larg sundimit të ligjit, Evropës dhe Shteteve të Bashkuara. #Kosovë, mos e zgjidhni atë të ardhme për fëmijët tuaj!|, ka shkruar Delawie, në Twitter. /tesheshi.com/
