Opinioni në Uells është tronditur nga rasti i një fëmije 11-vjeçar i quajtur Logan Johns Evans, i cili përfundoi në spital në një gjendje të rëndë shëndetësore. Shkaku: thithja e një cigareje me përbërës drogën e rrezikshme Spice e cila të shndërron në një Zombie.
Nëna e tij, Jade Johns e gjeti atë pikërisht në një gjendje të tille duke e çuar urgjent në spital.
Ajo ka thënë se Logan tymosi një cigare pa e ditur që kishte Spice brenda dhe se pasi ai reagoi, tha ishte ndjerë “sikur një përbindësh të hynte në trupin e tij”. Në këtë situatë ajo postoi dhe fotot tronditëse në shtrat spitalor.
Duke cituar mjekët, Mirror shkruan se Spice çon në një punë të përshpejtuar të zemrës, të vjelljes, konfuzionit dhe sjelljes së dhunshme, dhe përdoruesit e shumtë shpesh shihen të enden nëpër rrugët e qytetit si Zombie.
Motra e Logan tha ishte dikush që ia dha të vëllait cigaren për ta tymosur, e cila kishte Spice brenda. /tesheshi.com/
