Në një takim të zhvilluar në mes ministres për Dialog, Edita Tahiri dhe ambasadorit të Danimarkës, rezident në Tiranë, Mads Sandau-Jensen, më të cilin vlerësoi lartë marrëdhëniet mes dy vendeve, si dhe forcimin e bashkëpunimit në të gjitha sferat e rëndësishme.
Në këtë takim znj. Tahiri e njoftoi ambasadorin Jensen për progresin e vazhdueshëm që po arrihet në Republikën e Kosovës, duke theksuar se prioritetet e Qeverisë, me theks të veçantë agjendën evropiane dhe euro-atlantike. “Marrëveshja Stabilizim Asocimit mes Kosovës dhe BE-së, që është në prag të nënshkrimit përbënë një përparim konkret dhe të merituar të Kosovës drejt BE-së”, theksoj znj. Tahiri. E cila shtoi se liberalizimi i vizave duhet të shpejtohet sepse qytetarët e Kosovës nuk mund të mbeten edhe më tej të izoluar.
Po ashtu ministrja Tahiri e njoftoi edhe për ecurinë e dialogut me Serbinë, duke theksuar se ky proces ndihmon në normalizimin e marrëdhënieve mes dy shteteve dhe afrimin me BE-në, si dhe paqen dhe sigurinë në rajon.
Ndërsa ambasadori Jensen, vlerësoi lartë të arriturat në Kosovë dhe shprehu gatishmërinë dhe përkushtimin e shtetit të tij, për të vazhduar bashkëpunimin dhe mbështetjen e plotë në rrugën e saj të integrimeve evropiane dhe euro-atlantike, me theks të veçantë angazhimin e tij për avancimin e dialogut në mes Kosovës dhe Serbisë që po zhvillohet me ndërmjetësimin e Brukselit. /tesheshi.com/
