Ministrja e Dialogut, Edita Tahiri nuk pret që serbët të ndryshojnë mendje në raport me Kosovën.
Duke folur sërish mbi murin e ngritur prej tyre në Urën e Ibrit në kahjen veriore, gruaja që është në krye të bisedimeve mes Prishtinës dhe Beogradit ka thënë kjo që po ndodh me serbët është diçka e pritshme
“Në të ardhmen mund të kemi edhe provokime të tjera”, ka thënë znj.Tahiri.
Ajo edhe njëherë ka siguruar opinionin se muri serb nuk është diskutuar asnjëherë në Bruksel; se është i paligjshëm dhe duhet të rrëzohet.
Por bindja e shprehur e ministres Tahiri se serbët nuk do t’i rreshtin provokimet vjen në një kohë që Europa po investon në pajtimin shqiptaro-serb, e shfaqur kjo dhe në përkuljet e njëpasnjëshme që presidenti Thaçi po bën mbi memorialet e lapidaret serbe në Kosovë. /tesheshi.com/
