Gruaja që ka udhëhequr dialogun me Serbinë, Edita Tahiri e sheh ngjarjen e një dite më parë, atë që çoi në arrestimin e kreut të Zyrës serbe për Kosovën, si një skenar rus me implikime me rajon
“Prapa kësaj qëndron një skenar më i rrezikshëm dhe më i madh që lidhet me luftën gjeopolitike ruse e cila po përpiqet të krijojë ‘Serbinë e Madhe’ në dëm të shteteve dhe kombeve tjera, dhe për të cilën Kosova e dha përgjigjen e mirë dje të cilën e ka dhënë edhe më herët. Por, ne tani duhet të jemi shumë më strategjik në qasjen tonë që të mos lejojmë që Serbia në dëm të Kosovës dhe shqiptarëve të bëjë destruksione dhe politika agresore”, u shpreh znj.Tahiri gjatë një prononcimi për telegrafin.
Edhe në lidhje me dialogun ajo tha se Beogradi tashmë e ka braktisur atë, sipas saj për të vepruar sipas skenarëve të mësipërm.
“Që nga koha kur ka ndërtuar një mur provokativ në Mitrovicë, pastaj ka qenë treni provokativ i cili nuk arriti të hyjë në Kosovë, dhe tash kjo është përpjekja e tretë e Serbisë që të tregoj se dialogu i Brukselit ka dështuar sepse Serbisë po i pengon që veriu është integruar në sistemin shtetëror të Kosovës pas rezultateve të dialogut”, tha gruaja e njohur e politikanës së Prishtinës. /tesheshi.com/
