Rivalja demokrate për kreun e PD-së, Edit Harxhi, i ofroi një përllogarritje shifrore asaj që rezultati i 25 prillit nuk ka qenë i manipuluar atë ditë, siç pretendon Basha.
Në një intervistë për VOA-n në shqip, ajo tha ajo çka shohim ne sot, me Komisionin e Apelimit e Sanksioneve, fatkeqësisht nuk është vërtetuar ende asgjë, që të ketë ndodhur më datë 25 diçka e përmasave aq të mëdha së të ndryshonte rezultatin zgjedhor”.
“Kam frikë se zoti Basha se po mundohet të radikalizojë bazën demokrate. Pjesëmarrja në zgjedhje ishte 46 përqind, pothuajse e njëjtë, me 0.2 përqind lëviz me zgjedhjet e vitit 2017 dhe ne kemi afërsisht 60 mijë vota më pak se në vitin 2013 kur humbëm karshi PS-së dhe aleancës së tyre të madhe të majtë. Por në atë kohë zoti Berisha mori përgjegjësistë ashtu si dhe kryesia e PD-së dhe nënkryetarët e saj. Sot fatkeqësisht po përdoret alibia e humbjes, që është një alibi e qenësishme të them të drejtën, por po përdoret pikërisht për të rikonfirmuar kryetarin në detyrë”, arsyetoi znj. Harxhi.
Ndërsa në lidhje me atë që edhe Basha mund të ketë një “non grata” të papublikuar nga SHBA, znj. Harxhi ofroi këtë përgjigje:
“Unë jam pyetur nga gazetarët, në lidhje me zotin Basha dhe marrëdhëniet me SHBA-të. Besoj se demokratët duhet të kuptojnë, duhet të jenë të qartë, ne nuk mund të fshehim më asgjë. Mendoj se SHBA-të janë aleati ynë kryesor. Do të jenë të tillë përjetë. Ne jemi parti që vërtetë jemi ngritur nga një Lëvizje Studentore, një lëvizje qytetare popullore ne vitin ’90, por jemi një produkt euroatlantik i pastër.
Për këtë arsye mua më bren shumë shqetësimi që kryetari i PD-së në këto vitet e fundit, nuk ka vizituar Uashingtonin për konsultime, për arsye se dhe vendimet që janë marrë në Tiranë, siç ka qenë vendimi për dorëzimin e mandateve sikurse dhe ai për mosfutjen ne zgjedhjet lokale të 2019, janë vendime që mendoj se nuk janë konsultuar plotësisht me faktorin ndërkombëtar”. /tesheshi.com/
