Edi Rama i ka bërë thirrje PD-së që të sulmonte personalisht atë për gjëra të ndryshme që lidhen me rendin public dhe jo Policinë e Shtetit.
Në inagurimin e godinës së rindërtuar të Ministrisë së Brendshme, Rama tha se mund ta goditnin dy herë në ditë atë dhe Tahirin por jo uniformat.
Fjala e Ramës
“PD ka gjithmonë kohë për të hequr dorë nga kjo armiqësi e shpallur ndaj policisë së shtetit. Lëreni të bëjë detyrën dhe vazhdoni merruni sa të doni me mua, me ministrin por policinë e Shtetit lëreni tu shërbejë vendit dhe njerëzve. Nëse nuk keni asnjë ide sugjerim apo mendje në kokë për të ndihmuar që puna të bëhet më e mire, minimalisht qepeni gojën sepse rezultatet e policisë së shtetit janë të dukshme dhe lufta me krimin drogën dhe trafikun dhe për sigurinë e qytetarit është sot sikur nuk ka qenë kurrë më parë edhe më e mirë do të bëhet”.
Fjala e Tahirit
“Kush e njeh sakrificën e një punonjësi policie do të neveritej nga sulmet e përditshme, madje dhe dy herë në ditë ndaj policisë së shtetit. Ish- kryeministri i quan djemtë e krimit. Ish- ministri i Brendshëm, sot kreu i opozitës i quan bandat me uniformë të Saimir Tahirit dhe Edi Ramës.
Marr shembull sot një mjet lundrues me lëndë narkotike u kap në Itali pas një operacioni mjaft të sukseshëm të policisë sonë dhe pas informacionit që i dhamë partnerëve italianë, në mos kanë dale, pritni kur të dalin e të na akuzojnë prapë sot, pavarësisht se ky është një sukses i policisë dhe besimit reciprok që kemi me partnerët.
Meqë policia italiane deri tani ka kapur mjetin dhe jo trafikantët ju siguroj me shumë bindje që askush nga opozita në Itali nuk do të dalë në konferencë për shtyp të akuzojë policinë italiane se i lanë vetë me dashje trafikantët që të ikin. Kjo e jona është një betejë e dyfishtë: Një herë me krimin në çdo cep të Shqipërise dhe po kaq me baltën në kryeqytet. Kam një mesazh për 11 mijë punonjësit e policisë: Mos u mërzisni, por luftoni cdo betejë. Kjo këtu e akuzave dhe e baltës sado e përditshme fatkeqësisht është thjesht politike. Ata që sot mbajnë lloj epiteti, akuza nga më të ndryshmet janë djem e vajza me vite të tëra punë që sakrifikojnë familjen, shoqërinë në disa raste dhe jetën për të bërë Shqipërinë që kemi ëndërruar”.
/tesheshi.com/
