Edi Rama ka nisur fjalën në Asamble ku ka shpallur bashkëqeverisjen me qytetarët, për të cilën ka thënë se do ta shtrijmë edhe në pushtetin vendor.
Ky proçes, tha Rama, është baraz me formimin e një partie të re, një projekti politik që do të marrë jetë në bazë.
“Shqipëria kërkon një forcë të re politikë që përfaqëson të gjitha shtresat që i dhanë PS-së shumicën absolute për të qeverisur vendin. Pra kjo forcë do të jetë një parti kuqezi.
Njerëzit e bënë betejën, tani është radha jonë, që të çojmë përpara forcën që na dha fitoren”, tha Rama.
Ai deklaroi se fushata e 25 qershorit është shembulli për të parë se si funksionoi politika, ku u dëmtuan partitë e klaneve dhe interesave apo katundi politik që e kujtojnë atë si garë gënjeshtrash, shpifjesh dhe nuk kanë aftësi të rrokin më të thjeshtën, që nuk ka gjë më të keqe si inati i politikës.
Kryeministri kujtoi se kërkoi nga njerëzit një “mandat kuqezi” mbi të majtën dhe të djathtën për t´u ngritur mbi vetëveten siç e njohim deri më sot dhe kundër gjithçkaje që na ndan nga realiteti, hallet dhe shpresat e njerëzve.
“Kjo është mundësi e artë për të ndërtuar një forcë të re qeverisëse. Një forcë përtej kufijve të vjetër ndarës mes të privilegjuarve të partisë dhe njerëzve”, tha ai. /tesheshi.com/
