Zoran Zaev rikthen të shtunën ditë pune. Qeveria e Maqedonisë ka vendosur që administrata shtetërore nuk do të nisë pushimin javor të premten por do të punojë edhe pasdite, por edhe të shtunën.
Agjencia maqedonase MIA bën të ditur se “Nuk do të ketë largime nga administrata shtetërore, por riorganizim dhe orar fleksibil të administratorëve”.
Këtë e ka deklaruar Ministri i Shoqërisë Informatike dhe Administratës, Damjan Mançevski. Sipas Mançevskit në këtë mënyrë do të arrihet efikasitet më i madh i administratës.
Ka shumë gjasë që kjo të jetë një masë që parasheh fshesën e administratës, në të cilën VRMO ka vendosur një pjesë të madhe militantësh.
Maqedonia ka numrin më të madh të administratës në rajon. Aktualisht qeveria ka vendosur shkurtimin e 1600 nëpunësve të shtetit që u ka dhënë pushim të detyruar në shtëpi. Në mitingjet e dhunshme të VRNMO-DPMNE-së në sheshet e Shkupit kanë dalë shumë anëtarë të administratës, kryesisht shumë entesh të fryra kulturore si një numri të mëdha teatrosh dhe vatrash kulture që më shumë sesa shfaqe bëjnë dekore nacioanliste e politike.
Ky vendim i Zaevit ngjan me frymën e promovuar nga Rama në Shqipëri. Edhe ky i fundit ka paralajmëruar një reformë në administratë, ku në shënjestër pritet të jenë të punësuarit e LSI-së, tashmë “të rënë nga fiku” i pushtetit. /tesheshi.com
