Kryeministri Edi Rama, që prej disa ditësh ndodhet me pushime në vilën qeveritare në Dhërmi, ka pritur në një takim pretendentin për Kreun e Qeverisë që Kosovës, Ramush Haradinaj.
Takimi konfirmohet edhe nga një foto që bashkëshortja e Ramush Haradinajt, Anita Muçaj-Haradinaj, ka postuar në Instagram duke e shoqëruar me komentin: “sot me Edin në Dhërmi!! Kryeministri i shqiptarëve”.
Por, përtej kësaj kandidati i PAN-it, për kryeministër të vendit, Ramush Haradinaj dhe kryeministri i Shqipërisë, Edi Rama nuk e kanë lënë anash edhe diskutimin rreth krijimit të institucioneve të Kosovës.
Anëtari i kryesisë së AAK-së, Muharrem Nitaj e ka konfirmuar për Express këtë takim dhe ka treguar se është biseduar edhe për situatën aktuale politike në Kosovë.
“Krejt çka mundem më thënë është se nuk është kapërcyer as tema e krijimit të institucioneve të Kosovës dhe rëndësisë që ka ky proces për vendin”, ka thënë Nitaj. /tesheshi.com/
