Edi Rama ka deklaruar në një konferencë për shtyp në rrjetet sociale se koalicioni me Ilir Metën ka problem dhe së shpejti tha ai duhet nisur një diskutim serioz.
Kryeministri e ka quajtur strategjik dhe të nevojshëm vazhdimin e aleancës me Metën, por ka theksuar se “duhet t’i kishim kërkuar ndjesë njerëzve në mënyrën sesi ky koalicion i është përgjigjur publikut”.
Rama, ka potencuar për herë të parë rolin e PDIU-së, duke thënë se përbën një komponent shumë të rëndësishëm të koalicionit qeveritar.
Kryeministri deklaroi ndërkaq se hipotekat janë sektori ku ka më shumë korrupsion në administratën shtetërore.
Për herë të parë publikisht kreu i qeverisë ka sulmuar një sektor që kontrollohet nga LSI e Ilir Metës.
“Jemi të ndërgjegjshëm që ka korrupsion dhe mungesë shërbimesh, sidomos në hipoteka, të cilat po i modernizojmë në mënyrë që të ndryshojmë sistemin, pasi sistemi korrupton njerëzit”.
Rama më pas ka folur për çështjen e rritjes ekonomike, duke thënë se nuk do të ketë së afërmi rritje rrogash e pensionesh, dhe ka mbrojtur tezën e me taksën progressive pati një rritje rrogash e pensionesh.
Pyetjet i kanë ardhur me shpejtësi, sidomos për punësimin por kryeministri ka deklaruar se njerëzit nuk duhet të kërkojnë punësim në shtet por në privat. /tesheshi.com/
