Kryeministri Edi Rama ka propozuar referendum brenda PS-së për t’u shprehur për mandatin e kryetarit të PS-së.
Duke iu përgjigjur Ben Blushit, Rama ka mbajtur një fjalim të gjatë në mbledhjen e Asamblesë së PS-së.
“Të shkojmë në referendum ta vendosin socialistë cështjen e mandatit tim. Socialistët me votë të lirë dhe të fshehtë në përgjigje të pyetjes nëse mandate im duhet të ndërpritet apo të vazhdojë. Nëse mandati im duhet zgjedhur me një anëtar një votë apo nga Kongresi”, tha Rama.
Kreu i PS-së, vazhdoi më tej duke thënë se akuzat e Blushit janë homologe me ato të opozitës.
“E bën Saliu shumë mirë baltosjen, por nuk kemi ne luksin që brenda nesh ta ndihmojë përbaltjen me fakte të fabrikuara. Unë besoj se jo vetëm unë por askush këtu nuk u kujtua për këto çështje statutore as 2 vjet e gjysmë përpara. Nuk e la punën e partisë për neglizhencë të qëllimshme dhe ta harrojnë se ndodhi për autoritarizëm vulgar. U përgatitëm jo pak për të qeverisur vendin. Nuk patëm kohë të merremi me zgjedhjet e partisë pasi kur morëm çelësat e qeverisë u gjendëm në kushtet e emergjencës. S’pata kohën e duhur të bëj detyrën në PS siç bëra detyrën e Kryeministrit. S’mundet që diskutimi për statutin të kthehet në debat hileqar për qeverinë. Hallall jua bëj dhe njeriun e vetëm që paska frikë të votohet. E drejtë që duhej të kishte funksionuar dhe Asambleja e Kryesia, por nuk mund të ketë fakte të ndryshme të qeverisjes”, shtoi Rama. /tesheshi.com/
