Kryeministri i vendit, Edi Rama deklaroi se ka qenë në një rakordim ditë pas dite që me ngritjen e çadrës me kancelaren gjermaneAngela Merkel, e cila dërgoi zv.kancelarin e saj për të sjellë qëndrimin fatal të Berlinit.
“Jam në komunikim të vazhdueshëm me kancelaren por edhe me drejtues të tjerë të Europës, ky synimi i të gjithëve ka qenë të zgjidhim rizën; por që, që të gjithë e kuptojnë mirë se pse është ngritur çadra”, tha Rama. “Edhe ndërkombëtarët nuk mund të bëjnë shumë për shkak se pozicioni për bllokimin e zgjedhjeve, dhe duke filluar nga bllokimi i Vettingut, nuk ka shumë për të diskutuar”, shtoi ai.
“Nëse do isha në vend të Lulzim Bashës nuk do isha në çadër. Kur unë isha në çadër qëllimi ishte fisnik dhe mjaft realist. Nuk kemi kërkuar përmbysjen e rezultatit në tavolinë por hetim parlamentar”, tha më tej kreu i mazhorancës.
Shefi i ezkekutivit komentoi edhe procesin e zgjedhjes së presidentit. Ai konfirmoi se në raundin e parë nuk do shkohet me asnjë emër, për t’i dhënë shansin opozitës të bëhet pjesë e procesit për të zgjedhur një president konsensual.
Po ashtu, ai mbylli çdo derë për konfirmimin e Nishanit në një mandat të dytë.
“Nuk do paraqesim kandidatë në raundin e parë. Mbase zëri i arsyes nga çadra do flasë dhe do vijnë të zgjedhim një president bashkë.
Nishani nuk mund të jetë sepse konsensuali duhet me një paanshmëri relative, gjë që Nishani nuk e ka pasur”, tha Rama.
I pyetur nga gazetarja Rudina Xhunga nëse do jetë Fatos Nano një kandidat, Rama dha këtë përgjigje:
“Nuk dua të marr nëpër gojë asnjë emër. Me zotin Nano kemi marrëdhënie shumë të mira, dhe është respekti për të që më bën të mos e marr nëpër gojë”, vijoi ai. /tesheshi.com/
