Kryeministri Edi Rama ka bërë një deklaratë të fortë në mbledhjen e Asamblesë Kombëtare të PS-së, ku pritet të miratohet edhe përbërja e qeverisë së re.
Në fjalimin e tij, mes të tjerave Rama tha se fitorja e 25 qershorit mund të jetë për ne e para për një epokë të re, të partive politike për Shqipërinë, ose e fundit për një kohë shumë të gjatë.
“Ky është mandati më i vështirë që kur ka marrë vota për të kryer një detyrë.
Por më mirë ta besojmë të gjithë sot me mendje e me zemër sepse përndryshe nuk do ja dalim dot.
Këtij mandati kaq të vështirë mund t´ia dalim vetëm duke u supermotivuar e superorganizuar që fuqinë tonë në parlament mos ta shkëpusim nga burimi i energjisë së mandateve tona, i ardhur nga njerëzit që na votuan.
Sfida jonë, është të mbrojmë vetveten nga pushteti
Pushteti na është dhënë si shpatë e zhveshur kundër prapambetjeve, kundër padrejtësisë dhe jo si lugë e ngjeshur në brez për ne që jemi këtu”, tha Rama. /tesheshi.com/
