Kryeministri Edi Rama ka shtjelluar se si e kupton ai bashkimin kombëtar, atë që së fundi është bërë dhe objekt kritikash në qarqet e diplomacisë europiane e deri në SHBA. Gjatë një interviste në emisionin ‘Shqip’ të Rudina Xhungës, ai tha se nuk mund të ketë fate të ndara shqiptarësh në rajon. Shqiptarët tha ai tashmë kanë në dorë fatin e tyre dhe e ardhmja e tyre është ajo e integrimit në strukturat europiane dhe mes vedi. “më shumë herët se vonë, shqiptarët do jenë më të bashkuar se sa sot”, konkludoi Rama.
Ai u ndal dhe në gjendjen e shqiptarëve në trojet e tjera, Maqedoni, Luginën e Preshevës e Mal të Zi, që sipas tij jo se është e lumtur, por ama është më pozitive se më parë. Por Rama tërhoqi vëmendjen kur tha se shqiptarët duhet të jenë më solidarë se bashku me udhëheqësit e tyre, duke mos shpërndare si zogjtë e korbit.
Sipas tij, vëmendja e qeverisë që ai po drejton, është më e madhe se e çdo qeveria të mëparshme ndaj shqiptarëve në rajon. /tesheshi.com/
