Kryeministri Edi Rama ka zhvilluar një konferencë shtypi të gjere dhe të gjatë, ku ka shpjeguar se pikërisht në 2016-n do të nisin të japin frytet e veta reformat e ashpra që ka ndërmarrë qeveria që ai drejton që prej vitit 2013.
“Viti i ardhshëm, viti i kapërcimit përtej 3% të rritjes ekonomike. Ia kemi dalë të zerojmë taksën për 83 mijë bizneseve të vogla me xhiro vjetore deri në 50 milionë lekë dhe të përgjysmojmë taksën për 15.900 biznese të tjera me xhiro vjetor 50-80 milionë lekë, rezultat i drejt për drejtë i operacionit kundër informalitetit që na ka dhënë arsye shumë të forta për të qënë të inkurajuar fuqimisht në vazhdim të këtij procesi shtet ndërtues”, deklaroi Rama.
Kryeminitri insistoi në shifrën e larjes së borxhit të brendshëm që kalon shifrën e gjysmë milion dollarëve amerikanë.
Rama tha se janë shlyer 600 milionë USD borxhe të prapambetura, apo të fshehura nga qeveria e kaluar në sektorë të ndryshëm. Por ai ka pasur edhe një argument shtesë fiskal.
“Zëvendësimi i menjëhershëm i taksës së sheshtë me taksimin e ndershëm duke u kursyer të gjithë qytetarëve që paguajnë TVSH nga rroga e tyre, 230 dollarë në vit dhe ulja e taksave për 97% të shqiptarëve, është përfituar një pagë mesatare e rritur 7.5 %, rritje më e lartë e pagës krahasuar me shumë vite të shkuara të mbledhura së bashku”, tha Rama.
/tesheshi.com/
