Kryeministri Edi Rama ka zhvilluar një takim të mbyllur në Shkodër me strukturat e Partisë Socialiste në prag të zgjedhjeve vendore, ku ka prezantuar edhe kandidaten e mazhorancës për këtë qark, Keti Bazhdarin si dhe është ndalur në përjashtimin e deputetit Tom Doshi.
Në fjalën e tij përpara strukturave të PS Kryeministri Rama është shprehur se përjashtimi i ish-deputetit të PS ishte një ngjarje e padëshiruar por edhe e pashmangshme. Kjo pasi siç ka nënvizuar Rama, shkak i përjashtimit ka qenë sjellja jo etike e ish-deputetit të PS me Ministrat e kabinetit qeveritarë dhe drejtorë.
Ndërsa lidhur me kandidaturën e Keti Bazhdarit në zgjedhjet lokale, Rama ka theksuar se ajo është kandidatura më e mirë dhe më afër fitores. Kjo është vërtetuar sipas kryeministrit nga anketimet dhe sondazhet e kryera, ku Bazhdari ka marrë mbështetjen më të madhe.
