Edi Rama i ka bërë ftesë sërish live kreut të opozitës, Lulzim Bashës që të takohen nesër në një vend që vetë kreu i PD-së do ta dëshirojë.
Në studion e Ylli Rakipit, Rama i lëshoi një tjetër ftesë kryedemokratit Lulzim Basha për të dialoguar, kërkesë që siç tha, ka dy ditë që ia bën.
“Janë dy gjëra të ndryshme, unë nuk i ngatërroj. Ajo që thotë Basha është një gjë tjetër, ajo e Metës një tjetër gjë. Kam dy ditë që pres një orë, një vend për t’u ulur me Lulzim Bashën, me këdo që do të marrë me vete, të diskutojmë për datën e zgjedhjeve; ai nuk kam orë as vend, vetëm thotë komplot, ndërsa unë i lutem kreut të PD-së të vijë të flasë. Kur kërkoja dialog me paraardhësin tim në detyrë dhe thoshte jo, nuk pranoj të ulem thoshte. Ky kërkon çelësat e zyrës t’i dorëzohen tek çadra se s’ka fituar asnjë betejë vetëm ia kanë dhuruar. Kjo është krizë nervore e PD, jemi në kushtet e një irracionaliteti që e kupton”,- tha ai.
Ndërkaq, Rama, deklaroi se Ilir Meta nuk i ka kërkuar që kërkon të bëhet kryeministër, por që kërkon vetëm që të ndikojë që të bëhet dialog për krizën.
“Ilir Meta po bën një përpjekje siç është në natyrën e tij, siç është në filozofinë e tij, siç është në linjën e tij për të stimuluar zgjidhjen e krizës siç e mendon ai, për mua e mendon gabim por është në të drejtën e tij ta bëjë. Për mua ka një gabim Meta, që synon ta stimuloje zgjidhjen e krizës, duke i dhënë oksigjen çadrës, duke thënë se ‘nuk hy as unë në zgjedhje si Luli dhe Saliu’. Mbasi ata kanë hapur çadrën dhe shpresojnë që të hyjë dhe LSI, por s’ka mundësi”, tha Rama. /tesheshi.com/
