Kryeministri Edi Rama ka deklaruar në studion e Sokol Ballës se nuk do të ketë asnjë forçë brenda Shqipërisë apo jashtë që të ndalojnë rrugën e zgjedhjeve dhe stabilizimin e vendit.
Por Rama, e ka lidhur gjithçka me një projekt që ka lidhje edhe në disa qarqe fqinje.
“Shqipëria nuk ka vetëm miq dhe partnerë të çmuar, ka edhe força, shtete që nuk është se ja duan fort të mirën dhe që mund të përfitojnë nëse ju krijohet hapësirë për të nxitur tundimet e brendshme destabilizuese. Por dua që të gjithë ta kenë të qartë se Shqipëria nuk kthehet më 20 vjet pas dhe se nuk ka shans asnjë forçë brenda apo jashtë Shqipërisë që të destabilizojë vendin dhe të bllokojë shqiptarët që të vazhgdojnë rrugën e nisur dhe ta pengojnë Shqipërinë në rrugën e nisur”, tha Kryeministri duke bërë thirrje për qetësi në Maqedoni, pasi çdo dhunë mund të përshkallëzonte gjithçka.
Ndërkaq, kreu i qeverisë, e ka konsideruar zgjedhjen e Ilir Metës si President si “ideale” pasi mund të krijohet një mundësi për të dialoguar me PD-në për ta futur në sistem, aq më shumë nga pozita e Presidentit të Republikës. Sipas tij, Meta është i PD-së, pa qenë në PD.
“Është një president që me siguri mund të kompensojë boshllëkun e madh që kemi patur deri më tani. Është një President i lidhur me të gjithë. Ka akses tek të gjithë, flet me të gjithë dhe u thotë të gjithëve se çfarë mendon. Kjo është një zgjidhje ideale edhe për vetë PD.
Edhe sot Ilir Meta është kandidat për President që vjen natyrshëm sepse është situata e tillë që kërkon Ilir Metën President. Po të mos ishte kjo situatë, Meta do të ishte në krye të betejës për të marrë edhe më shumë deputetë dhe për të qenë në vazhdimësi pjesë e jetës politike aktive”, shtoi Kryeministri Rama, duke sqaruar se gjithsesi, portreti në mur do vijojë të jetë ai i Ismail Qemalit.
“Nesër Ilir Meta zgjidhet President i Republikës me mbështetjen e plotë të LSI dhe PS”, ai.
Rama deklaroi gjithashtu se nuk do të prisnin PD-në në kapriçot e saj dhe se opozita nuk do t’i mungojë këtij vendi.
“Kemi Saliun tonë, Ben Blushin që është sjellë si Saliu me ne, por edhe Gjergj Bojaxhiun, apo edhe força të reja”, tha Rama. /tesheshi.com/
