Me audicione të ngjashme me ato të spektaklit “Portokalli” do të përzgjidhen politikanët e rinj të rinisë eurosocialiste.
Ata do të gjykohen nga një juri ku merr pjesë dhe një aktor i spektaklit “Portokalli”, përkatësisht Gazmend Paja.
Edi Rama ka inaguruar procesin e përzgjedhjes së politikanëve të rinj që do të drejtojnë strukturat e FRESSH-it në 61 bashki. Të rinjtë do të japin prova oratorie dhe aftësie në debat.
” Gjithsecili hyn në këtë konkurs me një siguri. Kjo juri është e pakorruptueshme që do të përzgjedhë më të mirët nga më të mirët” tha Rama.
Majko njëri prej anëtarëve të juries, ka cituar Shekspirin.
“Ju shpejt do të jeni brenda kësaj salle. Dhe që ta bëni atë sallën tuajën, sigurisht duhet pak punë. Të mësoni dhe nga të metat tona: Të vendosni nëse do të bëheni pjesë apo jo e dialogut tonë të djeshëm hamletian “to be or not to be” – të jesh apo të mos jesh – të jesh apo të kesh – të votohesh apo të mos votohesh – të zbatosh apo të mos zbatosh – të jesh apo të mos jesh sërish”.
Juria përbëhet nga Pandeli Majko, Elisa Spiropali, Arlinda Duda dhe Gazmend Paja.
/tesheshi.com/
