Kryeministri Rama deklaroi sot se Shqipëria ka hyrë në negociata me grupin e investitorëve për një përfitim simetrik nga ky investim strategjik. Kryeministri theksoi përfitimet që ka Shqipëria nga porjekti TAP, por theksoi gjtihashtu se përftiimet e Shqipërisë nuk janë të njëjta me ato të vendeve të tjera ku kalon ky projekt.
“Kemi vënë re me keqardhje që kontrata e nënshkruar nuk ka pasur asnjë lloj përfitimi simetrik të shtetit shqiptar si me vendet e tjera ku kalon TAP, deri tek vendi fqinj në jug.
Kemi çelur negociatat për të marrë një përfitim simetrik sepse besojmë se nuk ka asnjë arsye që Greqia apo të tjera vendë të përfitojnë për të njëjtën punë, disponibilitet dhe Shqipëria të mos përfitojë asgjë.
Dhe jemi shumë të kënaqur që nga pala e TAP kemi gjetur gadishmërinë për të dëgjuar dhe negociuar një përfitim simetrik që për ne është i domosdoshëm për ta vënë Shqipërinë në të njëjtin nivel si të gjithë vendet e tjera. Si dhe për t’i dhënë mundësi qytetarëve tanë të përfitojnë nga kontrata e veçantë e financimit që TAP vë në dispozicion të vëndeve ku kalon”, tha Rama.
Por Partia Demokratike i është përgjigjur me një deklaratë shtypi ku ka thënë se TAP e firmosi qeveria “Berisha” dhe Rama vetëm po korr frytet.
/tesheshi.com/
